تسويق دكاترة جراحات السمنة

المريض بيدوّر على إيه وبيقلق من إيه؟

• بيقارن: "الفرق بين التكميم والتحويل"، "البالون ولا العملية"، "شروط عملية التكميم".
• بيسأل عن الأمان، والألم، والرجوع للشغل، والأكل بعد العملية.
• وفيه خوف مش بيتقال: هل الوزن هيرجع تاني؟ وشكلي هيبقى إزاي بعد ما أخس؟
• وغالباً بيتابع الصفحة شهور قبل ما يبعت أول رسالة.

إحنا بنعمل إيه لجراحي السمنة؟

• شرح الفرق بين التكميم والتحويل والبالون بالأنيميشن الطبي.
• فيديوهات للدكتور بترد على المخاوف: الأمان، الألم، الرجوع للشغل، الأكل بعد العملية.
• تصميم هادي يحترم إحساس المريض، من غير سخرية أو صور مهينة.
• حملات للعيادات الأسبوعية في المحافظات.
• إعلانات رسايل للمريض المهتم.

تنبيهات خاصة بإعلانات السمنة

• ميتا بتمنع صور قبل وبعد في إعلانات الوزن، وبتوجّه إعلانات إنقاص الوزن للكبار بس.
• ممنوع أي كلام يخلي الشخص يحس بالإهانة من وزنه، أو يوعد بعدد كيلوهات في مدة محددة.
• تجربة المريض بصوته تنفع بموافقة مكتوبة منه، ومن غير أرقام أو صور مبالغ فيها.
• في مصر، راجع قواعد نقابة الأطباء الخاصة بالإعلان الطبي قبل أي إعلان أو محتوى فيه اسم الدكتور أو قصة مريض. وفي السعودية، الإعلان الصحي محتاج الموافقة أو الترخيص المطلوب من وزارة الصحة قبل نشره.

نتايج حقيقية

مع د. محمد بخيت وصلت حملاتنا لـ 1.6 مليون شخص وجابت أكتر من 3,800 محادثة مع مرضى. ومع د. أحمد سفينة عملنا حملات لعياداته الأسبوعية في المحافظات.

خطوات الشغل معانا

• نرتّب أسئلة المريض على مراحل الرحلة: التفكير، المقارنة، القرار، وبعد العملية.
• نعمل لكل مرحلة فيديو للجراح وأنيميشن أو كاروسيل.
• إعادة استهداف للناس اللي اتفرجت، لأن القرار بياخد وقت.
• تقرير شهري بالرسايل لكل عيادة أسبوعية.

الرحلة كاملة في دليل محتوى جراحات السمنة.

نصيحة: المريض مش عايز يتشاف "تخين". استخدم كلام زي "رحلة إنقاص الوزن" و"صحتك"، مش "اتخلص من الكرش".